Syair Mistik

Perkutut lan derkuku

Gumebyare ledah gumerdeke ro'ad

Mongso rendeng angin rohmat silir-silir

Rontok-rontok mega abang katon pinggir

Gunung katon melenge den perada mega

Fajar ngelerap katon sangka duwur telaga

Buron alas arang kading lagi ngoncat

Ting kecipung wong 'arif meripate roncat

Siyak-siyak syajaroh den terak angin

Iman geder nafas rohe ati pengin

Biso langgeng madep emut marang kudrot

Duso maghfur uripe ngelakoni taubat

Wayahe wong senggar-senggur pating keringkuk

Turu ngelengger wong 'arif gegere bungkuk

Sab munajat madep nyang sing gawe urip

Roso enak lara ora weruh arif

Penggalihe ngerintih eling-eling uripe

Menangi ing mungkarot den anggep tempe

Wong netepi agama hak ginjal-ginjal

Kaya gegem mawa ora bisa unjal

Sab jajahan kana kene kabe gelab

Sebab fitnah tanpa takon marayentab

Dunya mungges bejane sing gelem mawa

Sunah Rosul lan khulafa 'al-arba'ah

Ati selamet bisa gemet labuh gusti

Iman madep lulus dong sekarat pati

Duh pangeran anak putuh aja kasih

Kena tipu muslihat iki sasi

Eling kanti waspada ngerti pemancas

Aja kasih muter ilat dadi tiwas